پاکستان نے انسانی حقوق کونسل پر زور دیا ہے کہ وہ غیر ملکی تسلط اور لوگوں کو حقِ خودارادیت کی عدم فراہمی کے واقعات میں انسانی حقوق کی سنگین خلاف ورزیوں پر مسلسل اور غیر جانبدارانہ توجہ دے۔
یہ بات اقوام متحدہ میں پاکستان کے قائم مقام مستقل مندوب عثمان جدون نے جنرل اسمبلی میں انسانی حقوق کونسل کی رپورٹ پیش کیے جانے کے موقع پر خطاب کرتے ہوئے کہی۔
سفیر نے اسلام مخالف پروپیگنڈے، مذہبی عدم برداشت، نسل پرستی اور غیر ملکیوں سے نفرت کے بڑھتے ہوئے رجحان پر بھی گہری تشویش کا اظہار کیا اور نفرت کے خاتمے اور باہمی احترام، رواداری اور پرامن بقائے باہمی کے فروغ کے لیے عالمی سطح پر مسلسل کوششوں پر زور دیا۔
