موسمیاتی تبدیلی کے وزیر مصدق ملک نے موسمیاتی تبدیلی سے درپیش مسائل سے موثر طور پر نمٹنے کے انتظامات بہتر بنانے اور جدید ٹیکنالوجی اپنانے کی ضرورت پر زور دیا ہے۔
انہوں نے آج اسلام آباد میں ایک کانفرنس سے خطاب کرتے ہوئے موسمیاتی تبدیلی کے رجحانات کو سمجھنے اور ماحولیاتی تبدیلیوں کا جائزہ لینے کیلئے سیٹلائٹ کے ذریعے نگرانی کی اہمیت کواُجاگر کیا۔
وفاقی وزیر نے کہا کہ حکومت نے ماحول دوست جدید رجحانات کے فروغ کیلئے ایک کروڑ ڈالر کا اسٹارٹ اپ فنڈ قائم کرنے کی منصوبہ بندی کی ہے۔ انہوں نے کہا کہ اس فنڈ سے نوجوانوں کو جدید نوعیت کے حل تیار کرنے میں مدد ملے گی۔
