وزیر صحت مصطفیٰ کمال نے آئندہ سال جون تک پاکستان سے پولیو کے مکمل خاتمے کے عزم کا اظہار کیا ہے۔
انہوں نے یہ بات اسلام آباد میں انسدادِ پولیو کی ذیلی قومی ویکسینیشن مہم کی افتتاحی تقریب سے خطاب کرتے ہوئے کہی۔
وفاقی وزیر نے کہا کہ یہ مہم آئندہ ماہ کی دو سے آٹھ تاریخ تک ملک کے ستانوے منتخب اضلاع میں چلائی جائے گی۔
انہوں نے بتایا کہ اس مہم کے دوران پانچ سال سے کم عمر کے تقریباً دو کروڑ چالیس لاکھ بچوں کو پولیو سے بچاؤ کے قطرے پلائے جائیں گے۔
انہوں نے والدین پر زور دیا کہ وہ پولیو ورکرز سے تعاون کریں اور اپنے بچوں کو اس مہلک بیماری سے بچاؤ کے قطرے ضرور پلوائیں۔
وفاقی وزیر نے حکومت کی مسلسل کوششوں کے نتیجے میں پاکستان میں پولیو کے کیسز میں کمی کو بھی اجاگر کیا۔
