قومی ورثہ و ثقافت کے وزیر اورنگزیب خان کھچی نے کہا ہے کہ پاکستان اور ازبکستان کے درمیان تعلقات مشترکہ تاریخ، ثقافت اور روحانی ورثے پر مبنی ہیں۔
وہ اسلام آباد میں ازبکستان کی آزادی کی پینتیسویں سالگرہ کے موقع پر منعقدہ خصوصی ثقافتی تقریب سے خطاب کر رہے تھے۔
اورنگزیب خان کھچی نے کہا کہ شاعری، موسیقی، فن اور خیالات صدیوں تک اس خطے میں شانہ بشانہ سفر کرتے رہے ہیں، جس نے دونوں ملکوں کے عوام کو ایک دوسرے کے مزید قریب کیا۔
ثقافتی تقریب میں معروف ازبک فنکاروں نے موسیقی اور روایتی رقص پر مشتمل شاندار پروگرام پیش کیا۔
