وزیر برائے موسمیاتی تبدیلی مصدق ملک نے کہا ہے کہ صحت اور تعلیم کے شعبوں میں بہتری ماحولیاتی تحفظ سے جڑی ہوئی ہے۔
انہوں نے آج لاہور میں صحت اور تعلیم سربراہ کانفرنس سے خطاب کرتے ہوئے کہا کہ بہتر عوامی صحت کے لیے صاف ستھرا اور صحت مند ماحول ضروری ہے۔
وزیر نے کہا کہ بنیادی تعلیم اور صحت کی سہولیات ہر بچے کا حق ہیں۔
کانفرنس سے خطاب کرتے ہوئے وزیر برائے اوورسیز پاکستانیز اور انسانی وسائل کی ترقی چوہدری سالک حسین نے کہا کہ حکومت صحت اور تعلیم کے شعبوں کی ترقی کے لیے تمام ممکنہ اقدامات کر رہی ہے۔
انہوں نے کہا کہ نوجوان نسل کو معیاری صحت اور تعلیم کی سہولیات فراہم کرنا حکومت کی ترجیح ہے۔
