وزیراعظم محمد شہباز شریف نے رہائشی منصوبوں کو شفافیت کے ساتھ مقررہ مدت میں مکمل کرنے کی ہدایت کی ہے۔
انہوں نے ہاؤسنگ کے وزیر ریاض حسین پیرزادہ سے آج اسلام آباد میں گفتگو کرتے ہوئے وزارت ہاؤسنگ کے جاری منصوبوں میں اعلیٰ معیار یقینی بنانے کی ہدایت کی۔
ملاقات میں وزارت ہاؤسنگ اینڈ ورکس کے امور اور ترقیاتی منصوبوں پر تفصیلی تبادلہ خیال کیا گیا۔
وزیر ہاؤسنگ نے وزیراعظم کو جاری ہاؤسنگ سکیموں میں پیشرفت سے آگاہ کیا۔
