وزیر دفاع خواجہ محمد آصف سے کویت کی بحریہ کے کمانڈر ریئر ایڈمرل سیف الحملان نے اسلام آباد میں ملاقات کی۔
فریقین نے باہمی دلچسپی کے امور پر تبادلہ خیال کیا، جس میں دوطرفہ دفاعی و بحری تعاون سمیت پاکستان اور کویت کے دیرینہ برادرانہ تعلقات کو مزید مستحکم بنانے کے طریقوں پر خصوصی توجہ دی گئی۔
ریئر ایڈمرل سیف الحملان نے اسلام آباد میں نیول ہیڈکوارٹرز میں پاک بحریہ کے سربراہ ایڈمرل نوید اشرف سے بھی ملاقات کی۔
دونوں جانب سے مسلسل رابطوں کی اہمیت پر زور دیا گیا اور پیشہ ورانہ تربیت، استعداد کار میں اضافے اور دفاعی تعاون کو مزید فروغ دینے کے مواقع کا جائزہ لیا گیا۔
