صدر آصف علی زرداری نے اس اعتماد کا اظہار کیا ہے کہ پاکستان اور جمہوریہ چیک اپنے دیرینہ دوستانہ تعلقات اور خوشگوار روابط کو مزید مستحکم بناتے رہیں گے۔
جمہوریہ چیک کے قومی دن کے موقع پر صدر پیٹر پاول کے نام ایک خط میں انہوں نے کہا کہ دونوں ممالک مختلف شعبوں میں مفید باہمی تعاون کے نئے مواقع تلاش کریں گے۔
صدر نے کہا کہ دونوں ممالک کے تعلقات باہمی احترام، دوستی اور قریبی تعاون پر مبنی ہیں۔
