بلوچستان کے گورنر جعفر خان مندوخیل نے کہا ہے کہ گوادر اور دیگر ساحلی علاقوںسمیت صوبے کے معدنی وسائل سے مالا مال اور زرعی علاقے ملک کی معاشی ترقی اور علاقائی روابط کے فروغ میں اہم کردار ادا کر سکتے ہیں۔
وہ کوئٹہ میں اکیسویں نیشنل ورکشاپ بلوچستان کی اختتامی تقریب سے خطاب کررہے تھے۔
گورنر نے روزگار اور نوجوانوں کیلئے ہنرمندی کی ترقی کے مواقع پیدا کرنے، معاشی سرگرمیوں کے فروغ، سماجی انصاف کے تحفظ اور معاشی عدم استحکام سے نمٹنے کیلئے مشترکہ اور پائیدار حکمت عملیوں کی ضرورت پر زور دیا۔
