فائل فوٹو
آفات سے نمٹنے کے قومی ادارے نے ملک بھر میں آج سے جمعہ تک وقفے وقفے سے پری مون سون بارشوں کا انتباہ جاری کر دیا ہے۔
تفصیلات کے مطابق شدید گرمی اور متوقع پری مون سون بارشوں کے خطرناک امتزاج سے گلیشیئر پگھلنے میں تیزی آنے کا امکان ہے، جس سے گلگت بلتستان، خیبرپختونخوا اور آزاد جموں و کشمیر کے دریاؤں اور ندی نالوں میں پانی کی سطح میں تیزی سے اضافہ ہو سکتا ہے۔
ادارے نے خبردار کیا ہے کہ خطرات سے دوچار پہاڑی علاقوں کو تیزی سے بدلتے اور غیر مستحکم موسمی حالات کی وجہ سے اس عرصے کے دوران برفانی جھیل کے پھٹنے کے نتیجے میں سیلابوں اور مٹی کے تودے گرنے کے واقعات کے زیادہ خطرات کا سامنا ہوگا۔
