آڈٹ اوورسائٹ بورڈ کے قانون میں مجوزہ ترامیم کا جائزہ لینے کے لیے اسلام آباد میں نائب وزیراعظم اسحاق ڈار کی زیرِ صدارت اجلاس ہوا۔
اجلاس میں آڈٹ اور مالیاتی رپورٹنگ کے اعلیٰ معیار کو فروغ دینے کے لیے ضابطہ کار کے نظام کو مضبوط بنانے اور ادارہ جاتی کارکردگی بہتر بنانے پر غور کیا گیا۔
اسحاق ڈار نے سرمایہ کاروں کے اعتماد کو مضبوط بنانے اور کاروبار کے لیے سازگار ماحول کو فروغ دینے میں شفافیت اور جوابدہی کی اہمیت پر زور دیا۔
