حکومت اور جماعت اسلامی نے وزیراعظم کی فیول ریلیف اسکیم کو وسعت دینے کی تجاویز کو حتمی شکل دینے کے لیے ایک کمیٹی تشکیل دینے پر اتفاق کیا ہے۔
یہ بات وزیر منصوبہ بندی احسن اقبال نے اسلام آباد میں وزیراعظم کے مشیر رانا ثنا اللہ خان کے ہمراہ نیوز کانفرنس سے خطاب کرتے ہوئے کہی۔
احسن اقبال نے کہا کہ یہ اتفاق رائے وزیراعظم شہباز شریف اور جماعت اسلامی کے امیر حافظ نعیم الرحمان کی سربراہی میں وفد کے درمیان ملاقات کے دوران ہوا۔
انہوں نے کہا کہ کمیٹی چھ ارکان پر مشتمل ہوگی، جن میں حکومت اور جماعت اسلامی کے تین تین نمائندے شامل ہوں گے۔
