صدر آصف علی زرداری اور وزیراعظم محمد شہباز شریف نے تبت کی سرحد کے قریب شمالی نیپال میں تباہ کن سیلاب اور مٹی کے تودے گرنے کے باعث قیمتی جانوں کے ضیاع اور بڑے پیمانے پر تباہی پر گہرے دکھ اور افسوس کا اظہار کیا ہے۔
صدر نے ایکس پر اپنے پیغام میں سوگوار خاندانوں سے ہمدردی اور نیپال کے عوام اور حکومت کے ساتھ یکجہتی کا اظہار کیا۔
وزیراعظم نے ایکس پر اپنے الگ پیغام میں کہا کہ وہ نیپال کے ضلع رسووا اور دیگر متاثرہ علاقوں میں شدیدسیلاب کے باعث قیمتی انسانی زندگیوں کے نقصان اور بڑے پیمانے پر تباہی پر انتہائی غمزدہ ہیں۔
