قومی صحت کے وزیر مصطفی کمال نے کہا ہے کہ اگرپاکستان انسٹیٹیوٹ آف میڈیکل سائنسز اسلام آباد میں آتشزدگی کے واقعے کی تحقیقات میں ان کی جانب سے کسی غفلت یا کوتاہی کا تعین ہوا تو وہ احتساب کا سامنا کرنے کے لیے تیار ہیں۔ انہوں نے زور دیا کہ حقائق شفاف تحقیقات کے ذریعے سامنے آئیں گے۔
ایک نجی نیوز چینل سے گفتگو کرتے ہوئے انہوں نے یقین دلایا کہ تحقیقات مکمل ہونے کے بعد جو بھی ذمہ دار پایا گیا، اسے نہیں بخشا جائے گا۔
وزیر نے زور دیا کہ جو لوگ قصوروار پائے جائیں، انہیں قانون کے مطابق جوابدہ ٹھہرایا جانا چاہیے۔
