وزیر مذہبی امور سردار محمد یوسف نے مسلمانوں پر زور دیا ہے کہ وہ اسلام کی تعلیمات اور حضرت محمد صلی اللہ علیہ وآلہ وسلم کے اسوہ حسنہ کے مطابق زندگی بسر کریں جو انفرادی اور اجتماعی زندگیوں میں ہدایت کا مکمل سرچشمہ ہیں۔

ایک نجی نیوز چینل سے گفتگو کرتے ہوئے انہوں نے کہا کہ پاکستان اسلام کے نام پر قائم ہوا، اس لیے یہ ہماری مشترکہ ذمہ داری ہے کہ معاشرتی، سیاسی اور قومی مسائل کے حل کے لیے اسلامی اقدار سے رہنمائی حاصل کریں۔