آزاد جموں وکشمیر کے علاقے راولاکوٹ میں پاک فوج کی جانب سے شہریوں کیلئے فری میڈیکل کیمپ کا انعقاد کیا گیا۔

راولاکوٹ میں کالعدم ایکشن کمیٹی کے احتجاج کے باعث شہریوں کوعلاج معالجے اور ہسپتالوں تک رسائی میں مشکلات کا سامنا ہے۔

پاک فوج نے راولاکوٹ میں پاک بلدیہ اڈہ پر فری میڈیکل کیمپ کاانعقاد کیا، جس میں مجموعی طور پر97 مریضوں کا مفت طبی معائنہ کیا گیا۔

کیمپ کے دوران مریضوں کو مفت ادویات اورصحت سے متعلق طبی آگاہی بھی فراہم کی گئی۔

دوسری جانب ضلع باغ میں پاک فوج کے زیراہتمام مفت ویٹرنری کیمپ کا بھی انعقاد کیا گیا۔

ویٹرنری کیمپ میں مقامی افراد کے مویشیوں اور پالتو جانوروں کا مفت معائنہ کیا گیا اور انہیں ضروری ادویات فراہم کی گئیں۔