یونیسیف نے افغانستان کے لیے انسانی امداد کے سامان کی بلا رکاوٹ ترسیل میں سہولت فراہم کرنے پر پاکستان کسٹمز کو سراہا ہے۔

یہ تعریفی کلمات اقوام متحدہ کے ادارہ برائے اطفال یونیسیف کے ایک وفد نے کراچی میں ڈائریکٹوریٹ جنرل آف ٹرانزٹ ٹریڈ کے ڈائریکٹر جنرل عرفان جاوید سے ملاقات کے دوران کہے۔

ملاقات کے دوران یونیسیف کے وفد نے افغانستان کے لیے پاکستان کے راستے انسانی امداد کے سامان کی بروقت اور مؤثر ترسیل کو یقینی بنانے میں پاکستان کسٹمز کے مؤثر تعاون اور سہولت کاری کو سراہا۔