وزیراعظم شہباز شریف نے غیر ملکی قابض قوتوں کی جانب سے ریاستی جبر کے ہتھکنڈے کے طور پر تشدد کے منظم استعمال پر گہری تشویش کا اظہار کیا ہے۔

تشدد کے متاثرین سے اظہار یکجہتی کے عالمی دن کے موقع پر اپنے پیغام میں انہوں نے کہا کہ فلسطین اور بھارت کے غیر قانونی زیرقبضہ جموں و کشمیر کے عوام قابض حکام کے ہاتھوں ریاستی جبر، بدترین تشدد اور غیر انسانی و توہین آمیز سلوک کا مسلسل سامنا کر رہے ہیں۔

انہوں نے عالمی برادری، اقوام متحدہ اور انسانی حقوق کی تنظیموں پر زور دیا کہ وہ ایسے انسانی حقوق کی خلاف ورزیوں کے مرتکب افراد کا احتساب یقینی بنائیں اور تشدد کے متاثرین کے تحفظ کے لیے مؤثر اور بامقصد بین الاقوامی تعاون کو فروغ دیں۔

وزیراعظم نے ہر قسم کے تشدد کے خاتمے کے لیے پاکستان کے غیر متزلزل عزم کا اعادہ کیا۔