وزیراعظم شہباز شریف نے معیشت کی ترقی اور استحکام کے لیے برآمدات پر مبنی صنعتوں کو مزید مضبوط بنانے کی ضرورت پر زور دیا ہے۔
وہ لاہور میں ایوانِ صنعت و تجارت لاہور کے صدر علی حسام اصغر سے گفتگو کر رہے تھے۔
وزیراعظم نے کہا کہ حکومت اقتصادی سرگرمیوں کے فروغ اور کاروبار کے لیے سازگار ماحول پیدا کرنے کے لیے نجی شعبے کے ساتھ مل کر کام کر رہی ہے۔
ملاقات میں مجموعی معاشی صورتحال، کاروبار اور تجارت کے فروغ، صنعتوں کو درپیش مسائل اور کاروباری برادری کو سہولیات کی فراہمی پر تبادلہ خیال کیا گیا۔
وزیراعظم نے پیداوار اور روزگار میں اضافے کے لیے تجاویز کا جائزہ لینے کی غرض سے ایک کمیٹی بھی تشکیل دی۔
