وزیرِ اعظم یوتھ پروگرام کے چیئرمین رانا مشہود احمد خان نے ملک کے نوجوانوں کو مساوی مواقع اور وسائل فراہم کر کے بااختیار بنانے کے حکومتی عزم کا اظہار کیا ہے۔
آج کراچی میں ایک تقریب سے خطاب کرتے ہوئے انہوں نے کہا کہ وزیرِ اعظم یوتھ بزنس اینڈ ایگریکلچر لون اسکیم کے تحت نوجوانوں کو بلا سود قرضے فراہم کیے جا رہے ہیں تاکہ وہ اپنا کاروبار شروع کر سکیں۔
رانا مشہود احمد خان نے مزید کہا کہ حکومت کے قائم کردہ ڈیجیٹل یوتھ ہب میں اب تک نو لاکھ پچاس ہزار سے زائد نوجوان رجسٹر ہو چکے ہیں۔
