وزیراعلی پنجاب مریم نواز نے کہا ہے کہ صاف پانی کی فراہمی عوام کا حق ہے اور ہر شہری کو صاف پانی ملے گا۔
انہوں نے لاہور میں صاف پانی اتھارٹی کے خصوصی اجلاس کی صدارت کرتے ہوئے صوبے میں پانچ ہزار سے زائد واٹر فلٹریشن پلانٹس کی تنصیب مکمل کرنے کیلئے آئندہ سال جون تک کی مدت مقرر کی۔
وزیراعلی نے واٹر فلٹریشن پلانٹس کی نگرانی کی ذمہ داری ڈپٹی کمشنرز کو سونپی۔
مریم نواز نے لاسٹ مائل واٹر سپلائی منصوبے کی بھی منظوری دی، جس کے تحت چکوال، راولپنڈی اور راجن پور کے زیادہ متاثرہ علاقوں میں پانی فراہم کیا جائے گا۔
