بین الاقوامی مذہبی آزادی کے بارے میں امریکی کمیشن نے بھارت کی جانب سے مذہبی اقلیتوں سے ناروا سلوک پر ایک بار پھر تشویش کا اظہار کیا ہے۔
ایک بیان میں کمیشن کے چیئرمین آصف محمود نے کہا کہ بین الاقوامی مذہبی آزادی کے بارے میں امریکی کمیشن نے جگتار سنگھ جوہل کو تقریباً نو سال کی حراست کے بعد نئی دہلی ہائی کورٹ کی جانب سے ضمانت دینے کے فیصلے کا خیرمقدم کیا ہے۔
کمیشن نے امریکی حکومت پر زور دیا کہ وہ بھارتی حکام پر جگتار سنگھ جوہل کی حراست اور ان کے ساتھ روا رکھے گئے سلوک کی مکمل تحقیقات کرانے کے لیے دباؤ ڈالے اور بالخصوص ایسی سنگین خلاف ورزیوں کے ذمہ دار افراد کو بین الاقوامی مذہبی آزادی ایکٹ کے مطابق جواب دہ ٹھہرائے۔
