جوہری سلامتی کی تربیت اور معاونت کے مراکز کے بارے میں بین الاقوامی نیٹ ورک کا پندرہواں سالانہ اجلاس کل سے اسلام آباد میں شروع ہوگا۔
چار روزہ اجلاس ایٹمی توانائی کے بین الاقوامی ادارے کے تعاون سے ہو رہا ہے۔
ایٹمی توانائی کے بین الاقوامی ادارے اور این ایس ایس سی نیٹ ورک کے انچاس رکن ممالک کے نمائندے اجلاس میں شرکت کریں گے جس میں جوہری سلامتی کی تربیت اور معاونت مضبوط بنانے، بین الاقوامی تعاون کو فروغ دینے اور اس شعبے میں تجربات کے تبادلے کے طریقوں پر تبادلۂ خیال کیا جائے گا۔