Sunday, 22 November 2026, 02:07:49 am
 

مزید خبریں

 
پاکستان میں کاروبار اور سرمایہ کاری کے وسیع مواقع موجود ہیں، ممتاز زہرا بلوچ
November 21, 2026

فرانس میں پاکستان کی سفیر ممتاز زہرا بلوچ نے ملک کی اقتصادی صلاحیتوں کو اجاگر کرتے ہوئے کہا ہے کہ پاکستان میں کاروبار اور سرمایہ کاری کے وسیع مواقع موجود ہیں اور حکومت دوطرفہ تعاون اور تجارت کو وسعت دینے کی خواہاں ہے۔

وہ پاکستان بزنس فورم فرانس کے زیرِ اہتمام منعقدہ ایک اعلیٰ سطح کی تقریب سے خطاب کر رہی تھیں۔ یہ تقریب میئرز اور کاروباری رہنماؤں پر مشتمل ایک ممتاز فرانسیسی وفد کے اعزاز میں ان کے حالیہ دورۂ پاکستان کے بعد منعقد کی گئی تھی۔

انہوں نے کہا کہ عوامی سطح پر مسلسل تبادلوں اور دونوں ممالک کے شہروں اور قصبوں کے درمیان روابط سے باہمی مفاہمت میں مزید اضافہ ہو گا اور پاک فرانس تعلقات مضبوط ہوں گے۔

فرانسیسی سینیٹ میں پاک فرانس فرینڈشپ گروپ کے ڈپٹی چیئرمین، سینیٹر راشد تیمل (Rachid Temal) نے بھی دوطرفہ تعلقات کے فروغ میں عوامی روابط کی اہمیت پر زور دیا۔