افغانستان میں قابض طالبان رجیم نے اپنے غیرقانونی اقتدار کو طول دینے کیلئے ملک کو معاشی اورسفارتی طور پر تباہ کردیا ہے۔

امریکی تھنک ٹینک دی صوفان سینٹر (The Soufan Center) کے مطابق افغانستان بدستورایک ناکام ریاست کے طور پر دہشتگرد گروہوں اور مختلف شدت پسند عناصر کیلئے محفوظ پناہ گاہ بنا ہوا ہے۔

رپورٹ میں کہا گیا ہے کہ القاعدہ افغانستان میں قائم تربیتی مراکز کے ذریعے فتنہ الخوارج کو تربیت فراہم کر رہی ہے۔

تھنک ٹینک کے مطابق افغانستان بدستور عالمی سطح پر منشیات کی اسمگلنگ کے اہم مراکز میں شمار ہوتا ہے۔