مذہبی امور اور بین المذاہب ہم آہنگی کے وزیر چوہدری سالک حسین نے عازمین حج کے لئے معاونین کے انتخاب کے عمل میں شفافیت اور میرٹ کو یقینی بنانے کے حکومت کے عزم کا اظہارکیاہے۔
ریڈیو پاکستان کے خبروں اور حالات حاضرہ کے چینل سے گفتگو کرتے ہوئے انہوں نے کہا کہ عازمین حج کو بہترین طبی سہولیات فراہم کرنے کے لئے اعلیٰ ڈاکٹروں کو ان کے ساتھ بھیجا جائے گا۔
حجاج کی بورڈنگ کی سہولت کے بارے میں ایک سوال کے جواب میں وفاقی وزیر نے کہا کہ مدینہ منورہ میں عازمین کے لئے کرایہ پر لی گئی عمارتیں مرکزیہ کے اندر واقع ہیں اور حجاج پانچ سے دس منٹ پیدل سفر کے
ساتھ وہاں پہنچ سکتے ہیں۔
اس دوران مکہ مکرمہ میں عازمین حج کو ٹرانسپورٹ کی سہولت میسر ہوگی۔
