وزیراعظم شہباز شریف نے توانائی کے شعبے میں ترکیہ کے تجربات اور تکنیکی مہارت سے فائدہ اٹھاتے ہوئے پاکستان اور ترکیہ کے درمیان تعاون کو مزید وسعت دینے کی خواہش کا اظہار کیا ہے۔
وہ اسلام آباد میں ترکیہ کے وزیر توانائی و قدرتی وسائل الپ ارسلان بائراکتر اور ان کے وفد کے اعزاز میں دیے گئے عشائیے سے خطاب کر رہے تھے۔
وزیراعظم نے ترکیہ کے صدر رجب طیب اردوان کا شکریہ ادا کیا کہ انہوں نے تحقیقی جہاز ’’اورچ رئیس‘‘ پاکستان بھیجا اور سمندر میں تیل و گیس کی تلاش کے منصوبے میں مکمل تعاون فراہم کیا۔
اس موقع پر الپ ارسلان بایراکتار نے پرتپاک استقبال اور اپنے وفد کی مثالی میزبانی پر وزیراعظم کا شکریہ ادا کیا۔