پاکستان اور قطر نے پولیس کی تربیت، سائبر سیکیورٹی، انسدادِ منشیات اور داخلی سیکیورٹی کے شعبوں میں تعاون بڑھانے پر اتفاق کیا ہے۔
وزیر داخلہ محسن نقوی اور قطر کے وزیر داخلہ و کمانڈر انٹرنل سیکیورٹی فورس شیخ خلیفہ بن حمد بن خلیفہ الثانی کے درمیان یہ اتفاق رائے اسلام آباد میں ملاقات میں ہوا۔
انہوں نے قطر کی نیشنل سائبر سیکیورٹی ایجنسی اور پاکستان کی نیشنل سائبر کرائم انویسٹی گیشن ایجنسی کے درمیان تعاون بڑھانے کا بھی فیصلہ کیا۔