بلوچستان کے نوجوانوں کو روزگار کے مواقع کی فراہمی کیلئے ایک خصوصی اقدام کے تحت کل سے تیرہ وفاقی وزارتوں کے ماتحت سو سے زائد محکموں میں بھرتی کا عمل شروع کیا جائے گا۔
یہ اقدام بلوچستان کے بیروز گار نوجوانوں کو روز گار فرہم کرنے کیلئے وزیراعظم محمد شہباز شریف اور چیف آف آرمی سٹاف و چیف آف ڈیفنس فورسز، فیلڈ مارشل سید عاصم منیر کی خصوصی دلچسپی اور کاوشوں کے نتیجے میں شروع کیا گیا ہے۔
اس اقدام کے تحت بلوچستان کے نوجوانوں کو مرحلہ وار پانچ ہزار ملازمتیں فراہم کی جائیں گی۔ بھرتیوں کے عمل کو شفاف اور میرٹ پر یقینی بنانے کیلئے خصوصی ہدایات جاری کی گئی ہیں۔