وزیراعلیٰ بلوچستان میر سرفراز بگٹی نے یتیم اور سہولیات سے محروم بچوں کے روشن مستقبل کو یقینی بنانے کے لیے صوبائی حکومت کے عزم کا اعادہ کیا ہے۔
انہوں نے خضدار سے تعلق رکھنے والی سماجی کارکن امینہ شفیع سے آج کوئٹہ میں ملاقات کے دوران گفتگو کرتے ہوئے کہا کہ یتیم بچوں کی تعلیم اور پرورش کی ذمہ داری اٹھانا صرف سماجی خدمت نہیں بلکہ عظیم انسانی اور اخلاقی فریضہ ہے۔
انہوں نے کہا کہ کسی بچے کو مالی مجبوری کی وجہ سے تعلیم اور روشن مستقبل کے مواقع سے محروم نہیں رہنا چاہیے۔