Thursday, 19 November 2026, 11:34:54 am
 
زیرِ سمندر بین الاقوامی کیبل میں خرابی، پاکستان میں انٹرنیٹ سروسز متاثر ہونے کا خدشہ ہے، پی ٹی اے
November 19, 2026

پاکستان ٹیلی کمیونیکیشن اتھارٹی نے کہا ہے کہ پاکستان کے ساحل سے تقریباً گیارہ کلومیٹر کے فاصلے پر زیرِ سمندر ایک بین الاقوامی کیبل میں خرابی کی اطلاع ہے۔

ایک پریس ریلیز میں حکام نے کہا کہ خرابی کے باعث کچھ انٹرنیٹ صارفین کو کنیکٹیویٹی میں وقفے وقفے سے تعطل اور سروس کے معیار میں کمی کا سامنا کرنا پڑ سکتا ہے۔

پی ٹی اے متعلقہ فریقین کیساتھ قریبی رابطے میں ہے اور ملک بھر میں معمول کی انٹرنیٹ سروسز کی جلد سے جلد بحالی یقینی بنانے کیلئے صورتحال کی مسلسل نگرانی جاری رکھے ہوئے ہے۔