پارلیمانی امور کے وزیر طارق فضل چودھری نے کہا ہے کہ اسلام آباد ہائی کورٹ میں زیرِ سماعت ایک سو نوے ملین پاؤنڈ کیس میں بانی پی ٹی آئی کی قانونی ٹیم تاخیری حربے استعمال کر رہی ہے۔
انہوں نے ٹیلی ویژن پر ایک بیان میں کہا کہ پی ٹی آئی عدالت کی کارروائی پر اثر انداز ہونے کے لیے مضحکہ خیز الزامات اور من گھڑت بیانیے کا سہارا لے رہی ہے، جس میں بانی پی ٹی آئی کی صحت پر سیاست کرنا بھی شامل ہے۔
تاہم انہوں نے کہا کہ عدالتیں مقدمے کا فیصلہ میرٹ پر کریں گی۔ انہوں نے کہا کہ عدالتوں سے این آر او حاصل کرنے کی کوششیں کی جا رہی ہیں۔