Saturday, 21 November 2026, 07:12:37 am
 
صدر مملکت اور وزیراعظم کا خیبر پختونخوا میں کامیاب کارروائیوں پر سیکیورٹی فورسز کو خراج تحسین
November 19, 2026

صدر مملکت آصف علی زرداری اور وزیر اعظم محمد شہباز شریف نے خیبر پختونخوا میں دہشت گردوں کے خلاف کامیاب کارروائیوں پر سیکیورٹی فورسز کو خراج تحسین پیش کیا ہے۔

اپنے ایک بیان میں صدر مملکت نے کہا کہ ملک سے غیر ملکی سرپرستی اور معاونت سے ہونے والی دہشت گردی کے مکمل خاتمے تک آپریشن عزمِ استحکام کے تحت کارروائیاں جاری رہیں گی۔

وزیر اعظم نے کہا کہ پوری قوم دہشت گردی کے خلاف جنگ میں اپنی بہادر افواج اور سیکیورٹی فورسز کے شانہ بشانہ کھڑی ہے۔ انہوں نے کہا کہ فتنہ الخوارج اور ان کے سہولت کاروں کو پاکستان میں بدامنی پھیلانے کی ہرگز اجازت نہیں دی جائے گی۔