فائل فوٹو

بھارت کے غیر قانونی زیر قبضہ جموں وکشمیر میں فوج نے اپنی ریاستی دہشت گردی کی تازہ کارروائی میں کشتواڑ اور شوپیاں کے اضلاع سے پانچ کشمیری نوجوانوں کو گرفتار کر لیا ہے۔

نوجوانوں کو اضلاع میں محاصرے اور تلاشی کی کارروائی کے دوران گرفتار کیا گیا اور ان پر غیر قانونی سرگرمیوں کی روک تھام کے ایکٹ کے تحت مقدمہ درج کیا گیا۔

ادھر کل جماعتی حریت کانفرنس آزاد جموں و کشمیر شاخ نے کہا کہ بھارت کی ہندوتوا حکومت اپنی کشمیر مخالف اور جابرانہ پالیسیوں سے تنازعہ کشمیر کی حقیقت کو تبدیل نہیں کر سکتی۔

کل جماعتی حریت کانفرنس آزاد جموں وکشمیر کے رہنماؤں نے ایک بیان میں تنازعہ کشمیر کو اقوام متحدہ کی قراردادوں کے مطابق حل کرنے کی ضرورت پر زور دیا۔

انہوں نے کہا کہ کشمیر کے حوالے سے بھارت کی ہٹ دھرمی پر مبنی پالیسی جنوبی ایشیا اور عالمی امن و سلامتی کے لیے خطرہ بن چکی ہے۔