وزیراعظم شہبازشریف نے کہا ہے کہ پاکستان پرامن ملک ہے اور تمام مسائل کا حل پر امن طریقے سے چاہتا ہے۔ ان خیالات کا اظہار انہوں نے پیر کے روز پاکستان نیوی ڈاک یارڈ کے دورے کے دوران پاک بحریہ کے افسران اور جوانوں سے گفتگو کرتے ہوئے کیا۔
انہوں نے کہا کہ دشمن بھی تسلیم کرتا ہے کہ پاک بحریہ نے خطے میں طاقت کا توازن بدل دیا۔
انہوں نے کہا کہ جدید ٹیکنالوجی سے پاک بحریہ کی کارکردگی میں نمایاں اضافہ ہوا جس پر ہمیں فخر ہے۔
