پاکستان اور مصر نے سعودی عرب کے ساتھ مکمل یکجہتی کا اظہار کرتے ہوئے اس کی خودمختاری، علاقائی سالمیت اور سلامتی کی حمایت کا اعادہ کیا ہے۔

اس عزم کا اظہار آج نائب وزیراعظم اسحاق ڈار اور مصر کے وزیر خارجہ ڈاکٹر بدر عبدالعاطی کے درمیان ٹیلی فون پر گفتگو کے دوران کیا گیا۔

دونوں رہنماؤں نے حالیہ علاقائی صورتحال پر تبادلہ خیال کیا اور سعودی عرب پر حوثیوں کے حملوں کی شدید مذمت کی۔

انہوں نے پاکستان، مصر، ترکیہ اور سعودی عرب پر مشتمل آر فور فریم ورک کے تحت تعاون پر بھی بات چیت کی اور باہمی تعلقات کو مزید مضبوط بنانے اور علاقائی امور پر تعاون کے لیے آر فور کا اگلا اجلاس جلد منعقد ہونے کی امید ظاہر کی۔