وزیرِ اعظم محمد شہباز شریف نے آج گوجرانوالہ میں راشد بشیر ورک کی رہائش گاہ کا دورہ کیا اور ان کے والد، رکنِ قومی اسمبلی اور سابق وفاقی وزیر محمود بشیر ورک کے انتقال پر تعزیت کی۔

وزیرِ اعظم نے راشد بشیر ورک اور ان کے اہلِ خانہ سے دلی ہمدردی کا اظہار کیا اور دعا کی کہ اللہ تعالیٰ انہیں یہ صدمہ صبر و استقامت سے برداشت کرنے کی ہمت دے۔

انہوں نے کہا کہ پاکستانی سیاست کے لیے مرحوم محمود بشیر ورک کی خدمات ہمیشہ یاد رکھی جائیں گی۔