وزیراعظم شہبازشریف نے پشاورمیں ایک سکول کی چھت گرنے کے واقعے کے ذمہ دار افراد کے خلاف قانونی کارروائی یقینی بنانے کی ہدایت کی ہے۔
وزیراعظم نے خیبرپختونخوا کے گورنرفیصل کریم کنڈی سے ٹیلی فون پر گفتگو کے دوران سانحے کی جامع رپورٹ طلب کی اور واقعے کے تمام پہلوؤں کی تحقیقات کرانے کی ہدایت کی۔
گورنر خیبرپختونخوا نے وزیراعظم کو واقعے کی تفصیلات سے آگاہ کیا۔انہوں نے بتایا کہ سکول کے مالک کو گرفتار کرکے تحقیقات شروع کردی گئی ہیں۔
