وزیرداخلہ محسن نقوی نے اسلام آباد میں رواں ماہ کی پچیس تاریخ سے شروع ہونے والے میلہ جشن بہاراں کے انتظامات کاجائزہ لیا ۔

انہوں نے کہا کہ روایتی میلوں سے ہٹ کر پہلی بار میلے میں نئے پروگرام شامل کئے جائیںگے۔

وزیر داخلہ نے کہاکہ اس میلے کا مقصد پاکستان کی شاندار ثقافت اور عظیم ورثے سے دنیا کو آگاہ کرنا ہے  میلے میں سفارت کاروں ، بیرون ملک کمپنیوں کے چیف ایگزیکٹو آفیسرز اور عام لوگوں کو مدعو کیاگیا ہے۔

محسن نقوی نے پولیس لائنز  میں مشعل بردار  پریڈ کا جائزہ لیا  انہوں نے میلے کی تیاریوں کیلئے  ایک جائزہ اجلاس کی صدارت بھی کی ۔