غزہ بورڈ آف پیس نے غزہ امن منصوبے پر فوری عملدرآمد کا مطالبہ کیا ہے۔
ایک بیان میں بورڈ نے تمام فریقوں پر زور دیا کہ وہ منصوبے کے تحت اپنے وعدوں کی پاسداری کریں جن میں جنگ بندی برقرار رکھنا، شہریوں کا تحفظ اور غزہ کو غیر فوجی بنانا شامل ہے۔
بورڈ نے کہا کہ غزہ میں جانی نقصان کا المناک واقعہ اس بات کو اجاگر کرتا ہے کہ امن منصوبے پر پیشرفت ضروری ہے۔
یہ بیان گزشتہ روز خان یونس کے ناصر ہسپتال پر اسرائیلی حملے میں چھ فلسطینیوں کی شہادت اور متعدد افراد کے زخمی ہونے کے بعد سامنے آیا ہے۔
