پاکستان کے یومِ آزادی کے موقع پر آزاد جموں و کشمیر کے سرکاری حکام نے پاکستانی قوم کو مبارک باد پیش کرتے ہوئے ملک کی ترقی، استحکام، سلامتی اور خوشحالی کے لیے اپنا بھرپور کردار ادا کرنے کے عزم کا اظہار کیا ہے۔

آزاد جموں و کشمیر کے سرکاری حکام نے اپنے خصوصی پیغام میں کہا کہ 14 اگست 1947 ہمیں ان عظیم قربانیوں کی یاد دلاتا ہے جو ہمارے بزرگوں نے پاکستان کے حصول کے لیے دیں اور جن کے نتیجے میں ایک آزاد وطن وجود میں آیا۔

انہوں نے کہا کہ آزاد جموں و کشمیر کے عوام پاکستان کی ترقی، استحکام اور خوشحالی کے لیے اپنا بھرپور کردار ادا کرتے رہیں گے۔سرکاری حکام نے کہا کہ کشمیر اور پاکستان کا رشتہ محض جغرافیائی حدود تک محدود نہیں بلکہ تاریخ، ثقافت اور مشترکہ نظریات پر استوار ایک مضبوط اور لازوال بندھن ہے۔

انہوں نے کہا کہ باہمی اعتماد، دفاعی تعاون اور امتِ مسلمہ کے اتحاد کو فروغ دینے والے مشترکہ دفاعی معاہدے خطے میں تعاون اور یکجہتی کی اہم علامت ہیں۔آزاد جموں و کشمیر کے سرکاری حکام نے دعا کی کہ اللہ تعالی پاکستان کو امن، ترقی اور خوشحالی کا گہوارہ بنائے اور سبز ہلالی پرچم کو ہمیشہ سربلند رکھے۔