فائل فوٹو

وزارت خزانہ نے پاکستان کی خودمختار مالیاتی لین دین سے متعلق گمراہ کن میڈیا رپورٹس کو واضح طور پر مسترد کر دیا ہے۔

اپنے ایکس ہینڈل پر ایک بیان میں، وزارت نے کہا کہ یورو بانڈ اور پاکستان کے افتتاحی پانڈا بانڈ دونوں نے تمام قابل اطلاق قانونی، ریگولیٹری، خریداری اور منظوری کے تقاضوں کی تعمیل کی ہے۔

وزارت خزانہ نے کہا کہ عوامی گفتگو تصدیق شدہ حقائق، مکمل معلومات اور ذمہ دارانہ رپورٹنگ پر مبنی ہونی چاہیے۔

وزارت خزانہ نے کہا کہ وہ شفافیت، پیشہ ورانہ مہارت اور سمجھدار قرضوں کے انتظام کے اعلیٰ ترین معیارات کیلئے پُرعزم ہے، اور صرف پاکستان کے بہترین اقتصادی اور تزویراتی مفادات میں خودمختار مالیاتی فیصلوں پر عمل جاری رکھے گی۔