نائب وزیراعظم اسحاق ڈار نے یورپی یونین کی اعلیٰ نمائندہ کایا کالاس سے امریکہ اور ایران کے درمیان مفاہمت کے حوالے سے حالیہ پیش رفت سے متعلق ٹیلی فون پر گفتگو کی۔

فریقین نے مسلسل سفارتی رابطوں کے ذریعے ہونے والی پیش رفت کا خیرمقدم کیا اور امید ظاہر کی کہ یہ کوششیں جلد پائیدار مفاہمت اور مسئلے کے پرامن حل کی طرف لے جائیں گی۔

انہوں نے اس بات کا اعادہ کیا کہ مذاکرات اور سفارت کاری تنازعات کے حل اور دیرپا امن و استحکام کو فروغ دینے کا واحد ذریعہ ہے۔