وزیرِ اعظم محمد شہباز شریف نے چوہدری شجاعت حسین کو مسلم لیگ (ق) کا صدر منتخب ہونے پر مبارکباد دی ہے۔
انہوں نے اپنے بیان میں چوہدری سالک حسین کو سینئیر نائب صدر، طارق حسن کو جنرل سیکریٹری، چوہدری شافع حسین کو پارٹی کا پنجاب میں صدر، ڈاکٹر محمد امجد کو چیف آرگنائزر اور غلام مصطفی ملک کو مرکزی سیکریٹری اطلاعات منتخب ہونے پربھی مبارکباد دی۔
وزیراعظم نے مسلم لیگ (ق)کی نئی منتخب قیادت کے لیے نیک خواہشات کا اظہار کیا۔
انہوں نے کہا کہ مسلم لیگ( ق) حکومت کی اہم اتحادی سیاسی جماعت ہے جس نے گزشتہ دور حکومت میں پاکستان کے معاشی استحکام اور ترقی کیلئے اپنے سیاسی مفادات کی قربانی دی اور دوسری اتحادی جماعتوں کا ساتھ دیا۔
وزیراعظم نے اُمید ظاہر کی کہ مسلم لیگ( ق) بطور ایک جماعت قانون ساز اسمبلیوں میں عوامی اُمنگوں کی یونہی نمائندگی اور ملکی تعمیر و ترقی میں اپنا کلیدی کردار ادا کرتی رہے گی۔
