صدر آصف علی زرداری نے پولینڈ کے یومِ آزادی کے موقع پر پولش صدر Karol Nawrocki اور عوام کو دلی مبارکباد دی ہے۔

صدر آصف علی زرداری نے صدر Karol Nawrocki کے نام اپنے خط میں پاکستان کی حکومت اورعوام کی جانب سے نیک خواہشات کا اظہار کیا۔

صدر نے کہا کہ پاکستان اور پولینڈ کے درمیان خوشگوار اور دیرینہ تعلقات قائم ہیں جن کی بنیاد باہمی احترام، خیر سگالی، امن اور بین الاقوامی تعاون کے مشترکہ عزم پر ہے۔

انہوں نے اس اعتماد کا اظہار کیا کہ دونوں ملکوں کے درمیان مسلسل رابطوں اور باہمی دلچسپی کے شعبوں میں تعاون بڑھانے سے دوطرفہ تعلقات مزید مضبوط ہوں گے جس سے دونوں ملکوں کے عوام کو فائدہ پہنچے گا۔