فائل فوٹو

وزیر توانائی سردار اویس احمد لغاری نے ملک کی بڑھتی ہوئی ضروریات کو پورا کرنے کے لیے ایک مضبوط توانائی ایکو سسٹم کے قیام پر زور دیا ہے۔

انہوں نے یہ بات آج لاہور میں توانائی کے شعبے سے متعلق ایک آن لائن کانفرنس سے خطاب کرتے ہوئے کہی۔

وفاقی وزیر نے کہا کہ توانائی کی مناسب فراہمی یقینی بنانا اقتصادی اور صنعتی ترقی کے لیے ضروری ہے۔ انہوں نے کہا کہ ملک کا توانائی کا بنیادی ڈھانچہ مضبوط بنانے کے لیے طویل مدتی حکمت عملی پر کام کیا جا رہا ہے۔

سردار اویس احمد لغاری نے کہا کہ حکومت توانائی کے شعبے میں جدت سرمایہ کاری اور تعاون کی حوصلہ افزائی کیلئے ایک موثر پالیسی اور ریگولیٹری فریم ورک تیار کرنے کے لیے پرعزم ہے۔