وفاقی وزیر مواصلات عبدالعلیم خان نے عالمی سپلائی چینز سے کاربن کا اخراج کم کرنے اور موسمیاتی تبدیلیوں کے اثرات کا مقابلہ کرنے کی صلاحیت رکھنے والے لاجسٹکس بنیادی ڈھانچے کی تعمیر کیلئے پاکستان کے عزم کا اعادہ کیا ہے۔

انہوں نے یہ بات انطالیہ میں کوپ تھرٹی ون (COP31) کے دوران گلوبل گرین فریٹ کوریڈورز انیشی ایٹو سے متعلق اعلیٰ سطح کے وزارتی گول میز اجلاس سے خطاب کرتے ہوئے کہی۔

انہوں نے کہا کہ بین الاقوامی مال برداری عالمی تجارت کیلئے کلیدی حیثیت رکھتی ہے، تاہم یہ ٹرانسپورٹ کے شعبے میں گرین ہاؤس گیسوں کے اخراج میں تیزی سے اضافے کا ایک بڑا ذریعہ بھی ہے۔

وفاقی وزیر نے کہا کہ عالمی گرین فریٹ کوریڈورز اقدام کا آغاز اس بات کا ثبوت ہے کہ پائیدار لاجسٹکس ہی آگے بڑھنے کا واحد قابل عمل راستہ ہے۔