پاکستان اور سعودی عرب نے غزہ کی تازہ ترین صورتحال پر غور کرنے کیلئے ہنگامی طور پر اسلامی تعاون تنظیم کے وزرائے خارجہ کا غیرمعمولی اجلاس بلانے پر اتفاق کیا ہے۔
یہ اتفاق رائے نائب وزیراعظم اسحاق ڈار اور سعودی وزیر خارجہ شہزادہ فیصل بن فرحان السعود کے درمیان آج(پیر کو) ٹیلیفون پر گفتگو کے دوران ہوا۔
اسحاق ڈار نے اسرائیلی وزیراعظم کے غیرذمہ دارانہ اور اشتعال انگیز بیان کی شدید مذمت کرتے ہوئے سعودی عرب کی سا لمیت و علاقائی یکجہتی اورفلسطین کے نصب العین کیلئے پاکستان کی غیرمتزلزل حمایت کا اعادہ کیا۔
سعودی وزیر خارجہ نے سعودی عرب کے تقدس اور حرمت کیلئے پاکستان کی مسلسل اور آزمودہ حمایت پر شکریہ ادا کیا۔
