صدر آصف علی زرداری نے پرتگال کے شہر لزبن میں شہزادہ رحیم الحسینی سے ان کے والد پرنس کریم آغا خان کے انتقال پر تعزیت کی۔
انہوں نے پاکستان کے عوام اور حکومت کی جانب سے دلی ہمدردی کا اظہار کرتے ہوئے کہا کہ قوم ایک سچے دوست اور عظیم انسان دوست کے انتقال پر سوگوار ہے۔
صدر مملکت نے پاکستان کی سماجی اور اقتصادی ترقی میں آغا خان مرحوم کی خدمات کو سراہتے ہوئے اس امید کا اظہار کیا کہ شہزادہ رحیم الحسینی انسانیت کی خدمت کے لیے اپنے والد کے مشن کو جاری رکھیں گے۔
