موسمیاتی تبدیلی کے بارے میں وزیراعظم کی رابطہ کار رومینہ خورشید عالم نے کہا ہے کہ پاکستان ماحولیاتی لچکدار انفراسٹرکچر کے بارے میں وسائل کو بروئے کار لانے کیلئے بین الاقوامی شراکت داروں کے ساتھ فعال طور پر مصروف عمل ہے۔

آج(پیر) ایک تقریب سے خطاب کرتے ہوئے انہوں نے اس بات پر زور دیا کہ عالمی چیلنجوں جیسے کہ موسمیاتی تبدیلی اور قدرتی آفات سے نمٹنے کیلئے کثیر الجہتی تعاون کی ضرورت ہے۔

رومینہ خورشید عالم نے موسمیاتی تبدیلیوں کے اثرات کو کم کرنے اور موافقت کی کوششوں کو بڑھانے کیلئے حکومت کے عزم کا اظہار کیا۔

انہوں نے کہا کہ پاکستان نے پانی، زراعت اور قدرتی آفات سے نمٹنے جیسے اہم شعبوں میں لچک کو مضبوط بنانے پر توجہ مرکوز کرتے ہوئے اپنا موافقت کا منصوبہ بنایا ہے۔